Toshkent tibbiyot akademiyasi

Universitet haqida:

Toshkent tibbiyot akademiyasi tarixi uzoq 1935 yildan boshlanib, Toshkent shahrida O‘rta Osiyo universiteti negizida tibbiy fakultet tashkil etilgan bo‘lib, oliy maʼlumotli davolovchi shifokorlar, farmatsevtlar, gigiyena mutaxassislarini tayyorlagan. 1990 yillarda Toshkent tibbiyot institutining bir necha binolari negizida 2 ta tibbiyot oliygoxlari: Birinchi Toshkent Davlat Tibbiyot va Ikkinchi Davlat Tibbiyot institutlari tashkil topgan.

O‘zbekiston Respublikasi Vazirlar Mahkamasining 2005-yil 29-iyul sanasidagi 178-sonli qarori bilan bekor qilingan Birinchi va Ikkinchi Toshkent davlat tibbiyot institutlari negizida Toshkent tibbiyot akademiyasi 2005-yil 19-iyul sanasida O‘zbekiston Respublikasi Prezidentining «Toshkent tibbiyot akademiyasini tashkil etish to‘g‘risida” gi 3629-sonli Farmoni asosida tashkil etilgan. Toshkent tibbiyot akademiyasi O‘zbekiston Respublikasi Vazirlar Mahkamasi huzuridagi Davlat test markazi tomonidan 2008-yilning 31-mart sanasida berilgan 18-sonli sertifikatiga asosan oliy taʼlim muassasi maqomiga ega bo‘lgan.

TTAda 6 fakultet, 50 ta ijtimoiy-gumanitar, tibbiy-biologik va klinik yo‘nalishdagi kafedralar va markaziy ilmiy-tadqiqot laboratoriya faoliyat yuritadi. TTAning klinik kafedralari akademiyaning ko‘p tarmoqli klinikasining davolash-tashxislash bo‘limlarida joylashgan.

TTA qoshida ajoyib tibbiyot tarix muzeyi mavjud bo‘lib, istagan kishi O‘zbekiston Respublikasi tibbiyotining tarixi, zamonaviy holati va istiqbollari bilan tanishib chiqishi mumkin. TTA kafedralarida 1000 ga yaqin o‘qituvchilar faoliyat olib boradilar, ulardan 190 tasi fan doktorlari, 600 dan ziyod fan nomzodlari, akademiklar, xorijiy akademiya ilgor aʼzolari, fan arboblari, xizmat ko‘rsatgan shifokor va taʼlim xodimlari.

Universitet grantlari :

Universitetda grantlar mavjud kirish imtihonlarida yuqori ball olgan iqtirodli talabalarga yo'nalishlar kesimida davlat grantlari ajratiladi. Bu grantlar faqat bir o'quv yili uchun beriladi va kontrakt asosida qabul qilingan talabalar kiyingi o'quv yillarida grant o'qish imkoniyati bor.

Universitet stipendiyasi :

Davlat granti asosida ta’lim olayotgan talabalar:

Birinchi kursning 1-semestrida stipendiyaning bazaviy miqdori to‘lanadi;

- Keyingi semestrdan boshlab oldingi semestr natijalariga qarab quyidagi tartibda stipendiya tayinlanadi va to‘lanadi:

- Barcha fanlardan o‘zlashtirish ko‘rsatkichi a’lo bo‘lgan talabalarga stipendiyaning bazaviy miqdori 20%ga oshirilgan holatda to‘lanadi;

- Umumiy fanlarining 30% va undan ortiq qismini qoniqarli o‘zlashtirgan, ya’ni 71 balldan kam to‘plagan talabalarga stipendiya tayinlanmaydi. To‘liq davlat ta’minotida bo‘lgan yetim bolalar va ota-ona qaramog‘idan mahrum bo‘lgan bolalar sirasiga kiruvchi hamda 1 va 2-guruh nogironligi bo‘lgan talabalar bundan mustasno;

- Davlat granti asosida ta’lim olayotgan qolgan barcha talabalarga stipendiyaning bazaviy miqdori to‘lanadi.

To‘lov kontrakt asosida ta’lim olayotgan talabalarga quyidagi tartibda stipendiya tayinlanadi va to‘lanadi:

 - Kontrakt asosida o‘qiyotganlar stipendiyali yoki stipendiyasiz shaklda o‘qishi mumkin;

 - Kontraktdagilarga o‘zlashtirish ko‘rsatkichidan qat’iy nazar stipendiyaning bazaviy miqdori to‘lanadi.

 - Stipendiya tegishli tartibda belgilangan kontrakt summasi to‘langanidan so‘ng tayinlanadi va to‘lanadi.

I va II guruh nogironligi bor talabalar uchun quyidagi tartibda stipendiya to‘lanadi:

 - I va II guruh nogironligi bor talabalar grant yoki kontraktda o‘qishidan qat’iy nazar stipendiyaning bazaviy miqdoriga nisbatan 50%ga yuqori miqdorda stipendiya tayinlanadi va to‘lanadi;

 - To‘liq davlat ta’minotida bo‘lgan yetim bolalar va ota-ona qaramog‘idan mahrum bo‘lgan bolalar sirasiga kiruvchi talabalarga stipendiyaning bazaviy miqdorida stipendiya tayinlanadi va to‘lanadi.

Kirish uchun talablari : BMB(DTM) tomonidan tashkil etiladigan davlat imtihonlarida qatnashish.

Universitet yotoqxonasi : Universitetda yotoqxona mavjud. Toshkent tibbiyot akademiyasi TTJ lari jami 3300 o‘ringa mo‘ljallangan 7 ta talabalar turar joyi mavjud bo‘lib, hozirgi kunda 2784 nafar talaba yashaydi. Talabalar turar joyi TTA maʼmuriyati, TTJ direksiyasi tomonidan “ Talabalar turar joyi” Nizomi, TK rejasi asosida boshqariladi.