Universitet haqida :
Toshkent tibbiyot akademiyasi Termiz filiali O‘zbekiston Respublikasi Prezidenti Sh.M.Mirziyoyevning 2018-yil 19-20 yanvar kunlari Surxondaryo viloyatiga qilgan tashrifida bergan topshirig‘iga asosan O‘zbekiston Respublikasi Vazirlar Mahkamasining 2018-yil 5-martdagi 172-sonli Qarori asosida tashkil etilgan. OTM asosiy o‘quv binolari 1 ta hududda joylashgan, bundan tashqari filialning 30 ga yaqin klinik kafedralari Termiz shahri va unga yaqin bo‘lgan hududda davlat va nodavlat davolash-profilaktika muassasalarida joylashgan. Talabalarning tahsil olishi ikki smenada amalga oshiriladi va talabalar sig‘imini to‘liq qamrab oladi. Filial hududida joylashgan 2 ta o‘quv binolar quvvati 950 o‘rinni tashkil qiladi. 2023-2024 o‘quv yilida filialda 4 ta fakultet hamda 19 ta kafedra faoliyat ko‘rsatmoqda, ulardan 11 tasi klinik (mutaxassislik) kafedralari hisoblanadi. Filialda 5 ta bakalavriat ta’lim yo‘nalishida va 20 ta klinik ordinatura mutaxassisliklarida 3760 nafar talaba mavjud bo‘lib, ulardan kunduzgi ta’lim shaklining bakalavriat ta’lim yo‘nalishlarida 3629 nafar talaba va klinik ordinatura mutaxassisliklarida 131 nafar talaba tahsil olmoqda.
2023-2024 o‘quv yili filialda 1-kurslar 5 ta, 2-3-4 kurslarda 3 ta va 5-6 kurslarda 2 ta bakalavriat ta’lim yo‘nalishlari bor. 2023-2024 o‘quv yilida quyidagi bakalavriat ta’lim yo‘nalishlari o‘qitiladi:
1. Davolash ishi – 60910200
2. Pediatriya ishi -60910300
3. Xalq tabobati – 60911100
4. Stomatologiya (yo‘nalishlar bo‘yicha) – 60910100
5. Tibbiy profilaktika ishi – 60910400
2023-2024 o‘quv yili uchun Toshkent tibbiyot akademiyasi tomonidan ishlab chiqilgan o‘quv rejalar, fan dasturlari (sillabus) asosida filialning 2023-yil 31-avgustdagi 1-son Kengashida ishchi o‘quv rejalari va ishchi fan dasturlari (sillabuslar) muhokama qilingan va tasdiqlangan.
Universitet grantlari :
Universitetda grantlar mavjud kirish imtihonlarida yuqori ball olgan iqtirodli talabalarga yo'nalishlar kesimida davlat grantlari ajratiladi. Bu grantlar faqat bir o'quv yili uchun beriladi va kontrakt asosida qabul qilingan talabalar kiyingi o'quv yillarida grant o'qish imkoniyati bor.
Qabul talablari :
Abituriyentlar masofadan ro‘yhatdan o‘tish uchun arizalar O‘zbekiston Respublikasi Oliy ta’lim, fan va innovatsiyalar vazirligi huzuridagi Bilim va malakalarni baholash agentligi rasmiy veb sahifasi (my.uzbmb.uz) va Davlat xizmatlari portal orqali qabul qilinadi. Va Bilim va malakalarni baholash agentligi tomonidan tashkil etiladigan test imtihonlarida yo'nalishlariga mos test sinovlarida qatnashib o'tish ballarini olish talab etiladi.
Universitet stipendiyasi :
Davlat granti asosida ta’lim olayotgan talabalar:
Birinchi kursning 1-semestrida stipendiyaning bazaviy miqdori to‘lanadi;
- Keyingi semestrdan boshlab oldingi semestr natijalariga qarab quyidagi tartibda stipendiya tayinlanadi va to‘lanadi:
- Barcha fanlardan o‘zlashtirish ko‘rsatkichi a’lo bo‘lgan talabalarga stipendiyaning bazaviy miqdori 20%ga oshirilgan holatda to‘lanadi;
- Umumiy fanlarining 30% va undan ortiq qismini qoniqarli o‘zlashtirgan, ya’ni 71 balldan kam to‘plagan talabalarga stipendiya tayinlanmaydi. To‘liq davlat ta’minotida bo‘lgan yetim bolalar va ota-ona qaramog‘idan mahrum bo‘lgan bolalar sirasiga kiruvchi hamda 1 va 2-guruh nogironligi bo‘lgan talabalar bundan mustasno;
- Davlat granti asosida ta’lim olayotgan qolgan barcha talabalarga stipendiyaning bazaviy miqdori to‘lanadi.
To‘lov kontrakt asosida ta’lim olayotgan talabalarga quyidagi tartibda stipendiya tayinlanadi va to‘lanadi:
- Kontrakt asosida o‘qiyotganlar stipendiyali yoki stipendiyasiz shaklda o‘qishi mumkin;
- Kontraktdagilarga o‘zlashtirish ko‘rsatkichidan qat’iy nazar stipendiyaning bazaviy miqdori to‘lanadi.
- Stipendiya tegishli tartibda belgilangan kontrakt summasi to‘langanidan so‘ng tayinlanadi va to‘lanadi.
I va II guruh nogironligi bor talabalar uchun quyidagi tartibda stipendiya to‘lanadi:
- I va II guruh nogironligi bor talabalar grant yoki kontraktda o‘qishidan qat’iy nazar stipendiyaning bazaviy miqdoriga nisbatan 50%ga yuqori miqdorda stipendiya tayinlanadi va to‘lanadi;
- To‘liq davlat ta’minotida bo‘lgan yetim bolalar va ota-ona qaramog‘idan mahrum bo‘lgan bolalar sirasiga kiruvchi talabalarga stipendiyaning bazaviy miqdorida stipendiya tayinlanadi va to‘lanadi.
Universitet yotoqxonasi : Universitetda yotoqxona mavjud.
Xaqaro hamkorlik :
2021-2022 yilda Rossiya Federatsiyasining Privoljsk ilmiy tadqiqot tibbiyot universiteti hamda TTA Termiz filiali bilan “3+3” shaklida qo‘shma ta’lim dasturi shartnomasi imzolandi. Bugungi kunda ushbu qo‘shma ta’lim dasturi doirasida davolash ishi va pediatriya yo‘nalishlari tashkil etildi va ularda 75 nafar talaba tahsil olmoqda.
